Oewernachtungen in de Rostocker Oltstadt

CASITA MARIA in de Rostocker Östlichen Oltstadt verfügt oewer twei Wahnungen för twei un ein Maisonette- Wahnung för vier Perßonen. Beddwäsch, Handdöker un Endreinmaken sünd in`n Pries enthollen. In de grot Wahnung is `n Upbeddung moeglich. In`n Intress von uns Gäst is bi uns Nichtroker. För Roker finnen sik Moeglichkeiten up`n Hoff. Roe`fohrers stellen wi ümsünst Stellplätz in uns Hus tau Verfügung. Bi de Ankunft gäben wi uns Gäst `n drögen Wien, `n Buddel Wader un `n Rostocker Pils ut. Uterdem gifft dat dachdäglich ümsünst `n Zeitung von den Dach. De Wahnungen för twei Personen hemm’ `n Koek, Ba`stuf, Duwwelbedd un `n Moeglichkeit tau`m Sitten un Äten. Man kann sik hier sihr got sülben versorgen. Af Klock 8.00 – späder dörf dat giern sien... – don wi gägen Uppries ein riekhollig Frühstück updischen. Wi stellen dat in`n Korf för de Dör, dormit wi Se nich wak maken möten, wenn Se noch in de Arms von Morpheus raugen wullen.

De Wahnkoek is so inricht, dat sik de Gäst sülben versorgen koenen. Dormit in`n Urlauf nich tauväl arbeid warden möt, is se mit `n Geschirrspoelmaschin utstatt. Hinner denn Rum befinnd sik `n behaglich Plätzchen mit `n gemuert Rust tau`m Grillen.

... In ein von de Timmer steiht `n Duwwelbedd, in dat tweite stahn de Bedden eenzeln gägenoewer. Verleifte koenen se sik giern tausamenschuben...

In de Etag baben is ein grot un got inricht Wahntimmer mit `n Fiernseher un Späle. `N lütt Bökerie befinnd sik in ein von de Schlapstuben. In dat Ba`stuf liggen ümmer twei Handdöker pro Perßon prat. Uterdem gifft dat hier `n Fön un `n Waschmaschin.Blot de Ba`nixe moeten Se sik sülben mitbringen...

Wecker nägen Mal in`n Beginenbarg 2 tau`m Schlapen inkihrt is, bekümmt dat teihnte Mal 44 Euro Rabatt. Mihr noch: An dissen Dach spendieren wi uns Gäst `n Frühstück. Disse Teihner-Koort
gellt solang, wi wi vermeiden. Se is an de Perßon gebunnen, tietlos, gilt oewer nich för Institutionen un Firmen. Bi Verlust gifft dat kein Ersatz. Rechtsanspruch up einen bestimmten Termin besteiht nich. Wi gäben uns Mäuh, spezielle Wünsch tau erfüllen. De Pries von 44 bzw. 105 Euro is för ein Wahnung gültig, unafhängig dorvon, ob Se ein orrer mihr Besäuker nütten. De jewielige Bidrach is mit de Anreis beziehungswies andeilig vörher fällig.

Nafragen un Buchungen sünd jedertiet bi Maria ünner Tel. (0381) 4 90 57 16 moeglich

Übersicht